Gure printzipio nagusiak
Indibidualizazioa
Eskolak, ikasle bakoitzak duen ahalmen eta egoera kontuan harturik, bere mailan eta erritmora lan egiteko aukera emango dion programa ahalbidetuko du.
Sozializazioa
Proposatzen ditugun jarduera guztiak testuinguru sozialak dira eta bertan ikasleek elkarreragin, negoziatu, adostu, eztabaidatu… egingo dute. Taldekatze desberdinetan aritzen dira, baita bakarka ere, baina beti proiektu kooperatibo baten parte bezala.
Aktibitatea
Printzipio hau autonomiaren garapenarekin lotuta dago: “haurrak bere kabuz egin dezakeena, ez dezala helduak egin”. Gure xedea ikasle ekintzaileak, aurrea hartuko dutenak, jakinmina izango dutenak… lortzea da.
Sormena
Sortzeko estilo desberdinak daude, ikaskuntza-estilo desberdinak dauden moduan. Bakoitzak barruan duena ateratzeko aukera du, bere berezitasunaz ohartuz. Uztarturik dago emoziozko adimenarekin: zu zeu izatea.
Askatasuna
Bakoitzak aukeratzeko duen eskubidea da, horregatik testuinguru bakoitzean jarduera desberdinak planteatzen dira. Pentsatzen eta adierazteko askatasuna dute, iritzi eraikitzaileak lantzen ditugu.
Globalizazioa
Eskolak, ikasleek beraien gaitasun guztiak modu harmonikoan garatu ditzaten lagundu behar du.
Normalizazioa
Norberak espazioa eta ingurunea barneratzeko egiten duen prozesua da. Aldaketen aurrean, erreakzio baikorra, lasaia eta konfiantzaz jokatzea bilatzen dugu.
