Euskalduna
Gure hizkuntza eta kultura dira gure oinarria. Euskara ez da soilik komunikazio tresna bat; gure nortasunaren ardatza da, eguneroko bizitzan modu naturalean bizi eta transmititzen dugun. Ordiziako ikastetxe euskalduna gara.Ikasleek euskaraz pentsatu, sentitu eta sortzeko espazioak eskaintzen ditugu.
Ordiziarra
Herrian errotuta gaude eta herriarekin batera hazten gara. Ordizia eta bertako ohiturak gure Hezkuntza Proiektuaren parte dira. Inguruko eragileekin elkarlanean, ikasleak komunitatearen parte aktibo bihurtzen ditugu herrian bizi direlako, bertan hazten direlako eta beraz ordiziarrak direlako.
Anitza eta inklusiboa
Ikasle bakoitzak bere ezaugarri propioak ditu eta horrek aberasten gaitu. Ikasleen jatorriak, gaitasunak, interesak eta erritmoak errespetatzen ditugu bakoitzak bere ibilbidea egiteko aukera izan dezan, hezkuntza inklusibo eta irisgarria sustatuz.
Berritzailea
Etengabeko hobekuntza da gure motorra. Metodo, tresna eta ikuspegi berriak txertatzen ditugu ikaskuntza esanguratsua eta motibatzailea izan dadin. Gaur egungo erronkei erantzuteko prestatzen ditugu ikasleak, pentsamendu kritikoa eta sormena sustatuz.
Parte-hartzailea
Hezkuntza elkarlanean eraikitzen dugu. Ikasleek, familiek eta profesionalek ahotsa eta eragina dute gure egunerokoan. Entzute aktiboa, elkarrizketa eta konpromisoa dira gure komunitatearen oinarriak.
Publikoa
Hezkuntza eskubide bat dela sinesten dugu, horregatik, kalitatezko hezkuntza publikoa eskaintzen dugu, guztiontzat irekia dena. Profesionaltasuna, ardura eta konpromisoa uztartuz, ikasleen garapen osoa bermatzea dugu helburu.
Jasangarria
Etorkizuna gaur eraikitzen da. Ingurumenarekiko eta gizartearekiko errespetuan hezten dugu, kontzientzia kritikoa eta ohitura arduratsuak sustatuz. Jasangarritasuna ez da arlo soil bat: gure eguneroko jardunaren oinarria da.
